· 

JUKO Lager - Dienstag

De zwöiti Tag im Lager esch scho bald Gschecht. Nocherne intensive ond stränge Nacht (meischtens isch die erst Nacht die asträngst für eus Leiter, well de no dChend vell Energie hend), hemmer am Achti alli zäme zmorge gässe. 

 

Noch de Programmvorstellig vom hötige Tag semmer bereits ide Tornhalle gstande und hend eus igwärmt. 

 

Nochenem asträngende Morgetraining heds Brotworst met Härdöpfustock und Bohne gäh. Nochem zMettag hemmer bereits probt, für dLagerolympiade wo am Donschtig stattfendet. Zom Glöck hemmer wie fasch jedes Mol, prächtiges Wätter in Willisau. 

 

Gemeinsam zom Usklang hemmer üs gägesitig am Rögge en leckeri Pizza gmacht (wie uf de Fotis).

 

 

Au hüt hed's dMöglichkeit gäh, vorem Znacht is Schwemmbad zgo. Was hemmer hüt zom Znacht becho? Legendär! Pizza!! und das imene Lager ;) 

 

Miterne Pizza im Mage heds für alli Ämtligroppe folgendi Ufgab gäh: 

- En Felm definiere

- Mit Grät vo de Tornhalle en Bühni baue

- De Felm mithelf vomene Theater de anderen Groppene zpräsentiere

- Jedi Groppe hed mösse usegfende welle Felm gspellt worde isch. De Gwönner hed en tolle Pris becho

 

Währed dem Obeprogramm hed dKochi 80 Blätterteig Cornets mit Vanillecreme gföllt wo mer liebend gärn verdröckt hend ;) 

 

Mer hoffed dasmol ufne erholsami Nacht.

 

Grüess us Willisau